A thutup uh TOUPA lak a sel ding a thuktak a zong mit a tung uh a gik hi! a thilhihte u lah zial nuai ah a om a, Kua’n a hon mu dia? kua’n a hon thei dia? a chi uh (Is.29:15).
Pathian in munteng, hunteng ah hon mu gige hi.
Khristian kichi tamtakte’n biakin sung kia a Pathian om ding a ngaihtuah hileh uh a kilawm hi. Biakin sung a Pathian thu hat mahmah a kilang hinapa, biakin polam a tun chiang uh a hinkhua uah Pathian’ thu mawngmawng muh ding omlou a bang hi.
Tuni a i tangteel tuh Pathian in “a mite’n hon naih ua, a kam un leh amuk un a hon pahtawi ua, himahleh a lungtang uh kei a kipan in a gamla” chia ademna ban chet ahi.
Khristian tamtakte hinkhua toh kibang mahmah ding in gintakhuai hi. Biakin sung a Pathian phat, thuum, thu hoih taktak gen, ahihhang a i lungtang taktak biakin polam a i niteng hun zatdan ah kilangkhe zel.
I khalam dinmun hiai dan ahihkhak leh i panlak theihna ding bangzah hiam om hi:
- Biakna pen Sunday kia hilou in, niteng leh hun thil in bawl inla, niteng in Pathian mi na hihna lah kisin in.
- Mahni kikhem in om ken. Hiai bang lepchiahna Pathian adin thil huathuai ahi hi. Biakin sung kia a i khristian hihna i suah a ngeina dan lel a biakna pen Pathian kipak lou ding hi (Isa 1:12-17).
Pa aw, ka omdan uleh niteng hinkhua hon mu gige na hihdan mangngilh lou ding in hon panpih in.
Unaute zingpha. Tuni hun zatnuam chiat.