Uz gam ah mi khat a oma, a min Job ahi; huan huai mi hoihkim leh tang ahi a, Pathian kihta a a, hoihlou mudah (Job 1:1).
Bang ziak a mi hoihte tung a thil hoihlou tung ahia? Bang ziak a mi hoihlou ten nuamsa a mihoihte’n thuak ahia?
Job laibu ah dotna dawn theihlouh tampi muh ding om hi. Himahleh Job tuh mi hoih leh tang, Pathian lau leh hoihlou mudah mi ahi chih i theichian hi (1:1,8; 2:3).
Job laibu in thuakgimna toh kisai i theihnuam teng hon hilh kei mahleh mi diktat leh Pathian lau ten thuakna leh haksatna hun a leng khamuanna nei thei uh ahi chih hon hilh hi. I thiltuah teng Pathian in thei in mu vek a, hon taisan in hon mangngilh hetlou hi. Hon it a, hon khemtu Setan kiang a, “ka sikha na ngaihtuah ngei hia…” ana chi leng hi kha ding hi.
Pa aw, Job tangthu koute adia nonna kepbit sak ziak in ka kipak uhi. Diklou tak a thuakna ka neih chiang un hon ompih zel inla, non itna leh non ompihna in hon khamuan zel in.
Unaute zingpha. Tuni hun zatnuam chiat