Ka tung a a thilhih hoih tengteng ziak in TOUPA kiang ah bang ahia ka piak thuk sam ding? Hotdamna nou ka la ding a, TOUPA min ka lou ding hi. Ka thuchiamte tuh TOUPA lak ah ka tangtun ding, ahi, a mite tengteng ma ah (Sam 116:12-14).
Pathian kiang ah bang piak di na nei a? Gam nuai a sa chiteng, tang sangkhat tung a gan omte leng Amah aa ahi ngal a! (Sam 50:10,11). Kithoihna chiteng i lat hang in amah neihsa louh piak ding omlou hi.
Pathian kiang ah bang piak di na nei a? Pilna chiteng, thuneihna chiteng, thilhihtheihna chiteng leh thupina chiteng neitu kiang ah bang piak beh ding a om tuan a? Ama neihsa louh piak ding omlou hi.
Pathian kiang ah bang piak ding na nei a? Amah neihsa, Amah aa mah i piak ding ahihdan tuni i tangteel ah muh theih hi. Hotdamna nou hon piak ka la ding chi’n Sam gelhtu in ana gen hi.
Khristian te’n hotdamna hon petu, i Toupa phatna leh pahtawina i piak gige poimoh hi (cf Kil.4:10,11;5:13,14).
Unaute zingpha. Tuni hun zatnuam chiat.