Ka ngaihtuahna tuh amah a ding in khumtak hi hen: kei tuh TOUPA ah ka nuam ding hi (104:34).
I ngaihtuahnate bang a chi a? Pathian lam hon naihsak theihna ding in i thunun thei hia?
Laisiangthou toh kituak ngaihtuahna in Pathian lam hon naihsak hi. Huai ding in Laisiangthou thu mah sim tam, theih tam poimoh hi.
Laisiangthou i sim a, a thu hoih isakte leh i deih deuhte chiamteh a, i by-heart leh i lungsim ah taam thei a, i ngaihtuahna a luah thei hi. Huchiin tuni a i tangteel a i muh bang in, i ngaihtuahnate Pathian a ding in khum (lungdamhuai/pleasing) thei a, Amah toh hon kinaihsak hi.
Hun tamtak ah Laisiangthou i sim chiang in kinohtak leh kintak in kisim kha sek a, i lungsim tawng ngaihtuahna toh a thu kingaihtuah kha manlou sek hi. A thu hoihtak a ngaihtuah a, i mit kha a athu om dan en kawm a i sim chiang in i hinkhua taktak hon hetkha thei pan hi.
Pa aw, na thu in ka lak uah thu gen henla; ka lungsimte uh kihong a, na pilna pom thei ding in hon panpih in.
Unaute zingpha. Tuni hun zatnuam chiat.