Kilakna hong vuaksuak lel na mu un, thu genkholh diklou na gen uh ahi kei maw? TOUPA thu pawt ahi na chi nawn ngal ua, ke’n lah ka gen het kei hi (Ezek.13:7).
Pathian’ ngaihdan di en i bawlsak khak ding pilvanhuai mahmah hi. Laisiangthou a abu, abung leh atang muh theih ahihkeileh Pathian’ deihdan bang ahia chih kitheilou hi. En i ngaihdan toh Amah ngaihdan di bawlsak khak theih hi. Ngaihdan kilawmtak neih theih pen taksa thil ah hoih tham a, himahleh khalam a ding in ei ngaihdan pen a dik leh diklouh tehna hilou hi.
Pathian’ pau louhna a en a ngaihdan ding bawlsak kichi thil lauhuaipi ahi. “Kei ngaihdan in”, “kei hoihsak dan in” chih lel a lungkim mailou in, Toupa’n hichi in achi i chih theih kisam hi.
Pathian in bang chi’n agen a? Huchia Laisiangthou akipan Pathian ngaihdan chiangtak i muh theih chiang in ei ngaihdan toh a kibat kei lehleng pom theih poimoh hi. Ei deihdan leh utdan muhna dia Laisiangthou zong a zat ding hilou hi.
Pathian’ pauna a pau a, a daihna a daih ngai hi (1 Pet.4:11).
Unaute zingpha. Tuni hun zatnuam chiat.