Gentheite ngaihtuah mi a hampha hi, mangbat ni’n Toupa’n amah a humbit ding hi. Toupa’n a gimna lupna mun ah a hihhat ding a; nang a chi a nat lai in a lupna na bawlsak vek zel hi (Sam 41:1,3).
Jesu’n, “lak sang in piak in lukhawng a nei zaw” (Nas.20:35) achih bang in panpihna dongtute sang in panpihtu hih tuh a hamphat huai zaw hi. Huchimah bang in tuni a i tangteel in gentheihte panpih tuh Pathian kipahlam ahia, huaiziak in huchibang mite tuh a mangbat ni un Toupa’n a humbit zel chih a hon hilh hi.
Pathian akipan hamphatna muh di bang a mulou i kisak leh midangte panpihna a tasam i hi kha ding hi. Huaiziak in khristian mi malmalte hamphatna i tan theihna ding in gentheite panpihna lam ah hahpan semsem ni.
Unaute zingpha. Tuni hun zatnuam chiat.