A nu hiam, a pa hiam hamsiat khum peuhmah hihlup ngeingei ding ahi: a nu hiam, a pa hiam hamsiat khum ahi a, a tung ah a sisan moh a om ding ahi (Lev.20:9)
Thukhunlui hun akipan Pathian in nu-leh-pa thusimlouhna, simmohna leh nelhsiahna ana zadah mahmah hi. I nu-leh-pate eisang a haizaw, laisiamlou zaw leh mawlzaw ahihziak ua simmoh bawl a zahpih ding hi mawklou hi. Aduh a deihte uh i piak zoh tan a pia a, a taksa hat nawnlouh nung ua leng it tak leh deihthoh tak a kep tuh tate mohpuakna ahi. A zun a ek uh siak sak a poimoh hun a leng siaksak a, sih tangpha a lungkim leh khamuang tak a a omna ding ua kep ding tuh Pathian deihdan ahi. Huaiziakin nu-leh-pa kep ding nei lai tate’n hampha ihihdan phawk in, hawmthoh tak in nu-leh-pate kem ni hang.
Unaute zingpha. Tuni hun zatnuam chiat.