Huan, Joseph mah in, a unaute kiang ah, hehpihtak in hon naih un, a chi a. Huchi’n a va naih ua. Huan, ama’n, na unaupa uh Joseph, Aigupta gam a lutpih ding a na khot uh ka hi (Gen.45:4)
Tuni a i tangteel akipan ngaihdamna kichi a om didan muhtheih in om hi. Ngaihdamna diktak a om theihna ding in utna poimoh masa hi. Joseph in “kon ngaidam” kia chimai lou in, “hehpihtak in hon naih un” chi a, hiai a lungsim taktak a kilemkikna (reconciliation) ut ahihdan hon lak hi. Ban ah a hihkhelhna ziak ua a thuak ding uh phallou in, “non zuak ziak un lungkham kei unla, kihehkhum kei un” (45:5) chi hi. Hiai tuh ngaihdamna omzia diktak ahi. Mi ngaidam chi a, a khelhna man uh thuak ding a i deih lailai leh bel i ngaidam taktak kei chihna suak hi.
Unaute sunpha. Tuni hun zatnuam chiat.