A paina ding lampi ah naupang chil in, huan a upat hun na ngawn in leng huai a kipan a paimang kei ding hi (Pau.22:6).
Tate kepna toh kisai ah lohchin leh lohchinlouh tuh vang ahihna tan om hi. Himahleh tuni a i tangteel in naupang lai a kisinsakna hoih neih a poimoh dan gen hi. A tangpi in i neulai a kichiil dan leh omdan zil in i piching nung in leng ikibang khol kei hi. Naupang lai a Pathian deihdan leh geldan a kisinsakna hoih neih a phattuam dan Samuel hinkhua ah muhtheih hi. A neulai akipan Siampu Eli panpihtu a apan ziak in a letnung in leng Pathian adia mi poimoh leh zattak a hong hithei hi.
Unaute zingpha. Tuni hun zatnuam chiat.