Na nu leh na pa zahtak in: TOUPA na Pathian in a hon piak gam a na nite a sawt theihna di’n (Exo.20:12)
Thupiak sawmte lak ah a masa 4-te Pathian toh kikal ahia, a nanung 5-te mihing leh mihing kikal a hih dingte ahi. Himahleh thupiak 5-na, “Na nu leh pa zahtak in” chih pen hiai gel kikal ah om a, a lang nih tuaktuak ah tel thei hi. Hiai in a poimohna hon lak hi. I nu leh pa i zahtak chiang in Pathian zahtak kha kihi a, midangte zahtak theihna leng kinei hi. Nu leh pa nuai a kitahlut dan zil theilou ten thildang bangmah nuai ah kitahlut theilou ding uhi. Nu leh pa suzahlaktu hilou a azahtak, Pathian lau tate hi thei ding in kisin sawm chiat ni.
Unaute zingpha. Tuni hun zatnuam chiat.