Himahleh ke’n na hatna thu la in ka sa ding a; ahi, zingsang in na chitna thu nuamtak in la in ka sa ding hi: nang ka innsang, ka mangbatni a ka kihumbitna na hi ngal a (Sam 59:16).
Niteng a hun khat Pathian kiang a i thumna ding, Pathian i phatna ding bawl thei le hang hoih mahmah ding hi. Daniel in niteng in a tawlet hong in Jerusalem nga in a thum a, Jesun a thumna din Gethsemane huan a naih hi. Huchibang in mun khat i lemtanna mun deuh nei tuam le hang, huai mun in Pathian hon theisak zelzel (remind) ding hi.
Tuni a i tangteel in, “na hatna thu, na chitna thu zingsang in nuamtak in la in kasa ding” achih bang in Pathian phat in Amah toh kizopna hoihtak neih sawm gige ni.
Unaute Toupa’ ni zingpha. Tuni kikhop nuam chiat.