Huai ni chiang in khelhna leh nitna siangsak ding in, David innkote a ding leh Jerusalem a tengte a ding tuikhuk kihong a hong om ding (Zek.13:1).
Pathian’ namtel Israelte ginom zou kei mahle uh Pathian in a thuchiam zuausanlou hi. Tuni a i tangteel in Abraham’ chisuan Jesu Khrist tungtawn a Thukhun Thak hun a miteng adia khelhna leh nitna siangsakna ding agen hi. Hiai hun tuh Baptistpa Johan leh zawlnei tuamtuamte’n ana tangkoupih uh, a ngaklah mahmah uh, himahleh ana muh batlouh uh ahi.
I Toupa Jesu’n khristiante i hamphat dan ana genna ah hiai ana chi hi: “Chihtaktak in k’on hilh ahi, Numei suan lak ah Baptispa Johan sa’ng a thupi zaw a suak ngei kei; himahleh van lalgam a mineupen leng amah sa’ng in a thupi zaw ngal uhi” (Matt.11:11).
Baptispa Johan in zawlnei dangte sang in ana muban dek mahmah a, huaiziak in a thupi zaw hi. Himahleh hiai lalgam ana mu manlou in a si a, Khrist’ lalgam (saptuam) ah behlap in ana om man kei hi. Tuni a nang leh kei hiai lalgam mite ihih theih nak kipahhuai maw!
Huaiziak in, “I lamet thugin, linglou in i pomkip ding uh, thuchiampa lah a muanhuai ngal a” (Heb.10:23).
Unaute zingpha. Tuni hun zatnuam chiat.