Mosi in Toupa a houpih a: “Mipite tung a om ding mi khat, sa tengteng khate Pathian, Toupa’n sep hen. Toupa mipite chingtu neilou belam bang a a omlouhna ding un, a ma uh kai ding, amaute pikhia a, pilut ding in”a chi hi (Nam.27:15-17).
Meribah a Mosi a khelh khak ziak a Kanaan gam lutlou ding ahihdan Pathian in agen ban ah tun hilh thak in om nawn a, Abarim tang a kal a gamchiam gal et ding in a sawl hi. Hiai hun a Mosi in Pathian a dawnna tuh tuni a i tangteel ahi. A dawnna akipan etton tak mahmah ahihdan muh theih hi.
Aigupta akipan Kanaan gam lutpih dia anuam-ahaksa a Israel-te kum sawmli bang ana makaih a, tua a lut ding huntak a phalsak a omlou himahleh Pathian tung a vui leh khasia a om hetlou in, amah mimal a ding sang in amah thakheng a makaihtu ding bawlkhiak a ngai poimoh zaw hi. Amah mimal dinmun sang in a makaih mipite a ding a khualzaw hi.
Pathian mi, makai diktak ten amau mimal dinmun leh thuneihna pen poimoh pen in koihlou uhi. Mipite khalam dinmun ding leh Pathian deihdan a a-om theihna ding uh a ngai poimoh zaw uhi. Mipi pahtak hiam ahihkeileh a dinmun uh hamphatnate pen lunggulh pen in a neilou in, Pathian mipite mah koih masa zaw uhi.
Unaute zingpha. Tuni hun zatnuam chiat