Huan, Jehoiada sih nung in Juda mi liante a hong kuan ua, kumpipa kiang ah toulutna a bawl uh. Kumpipa’n a thu uh a na pom. Huchi’n a pi leh pute uh Pathian, TOUPA inn a lehngatsan ua, Aserte leh milimte nna a semta uh: huan, a khelhna uh ziak in Judate leh Jerusalem tung ah hehna a hongtungta hi (2 Kro.24:17,18).
2 Kro.24:2 in “Joas in siampu Jehoiada damsung in TOUPA mitmuh in thil hoih a hih” achi a, Joas in a damsung teng in thil hoih ahih achi kei hi. Tuni a i tangteel hiai a dikna a sulang hi. Siampu Jehoiada a hong sih tak in Pathian hon lehngatsan hi.
Hiai ah en leng i zil theih a om hi. Pathian thutak i zuihna midang kua hiam, i nu leh pa hiam kipahna ding lel ahihleh amaute a om nonlouh chiang un i puk ngeingei ding hi. Huaiziak in midang pahtak lohna ding hilou in, eimah mah in poimoh ihi chih thei a, Pathian deihdan zui chiat ding in i kingen hi.
Unaute zingpha. Tuni hun zatnuam chiat