Huiaziak in hiai ka thute na lungtang uh leh na lungsim uah khum unla, chiamtehna ding in na ban uah na vial ding ua, huan, na mit kikal uah talgakna ding in leng a om ding hi (Deut.11:18).
Mi khenkhat ten Thukhun Lui pen polam thumanna (outward obedience) toh kisai a, Thukhun Thak pen lungtang (heart) tawng kikhekna toh kisai ahi chi uhi. Himahleh hiai ngaihdan diklou hi. Deuteronomy laibu lel ah leng “lungtang” kichi thumal 45 vei kizang a, polam kilatdan thumanna mai hilou in, lungtang taktak toh thumanna deih hi.
Thilsiam tung apat a deihdan a kikhek nai kei a, i lungtang taktak mah deih lai hi. “Ka tapa, na lungtang hon pia inla, na mitte ka lampite ah kipak uh hen” (Pau.23:26) achih bang in i lungtang Amah pe thei chiat ding in Pathian in hon ompih hen.
Unaute zingpha. Tuni hun zatnuam chiat