Ka thulimlouhnate hon silsiang sak vilvel inla, ka khelhna hon silsiangsak in. Ka tatleknate ka theigige ngal a: ka khelhna tuh ka ma ah a om nilouhlouh hi (Sam 53:2,3).
Limlangh a na ki-et nanung pen bang chik ahia?
Limlangh ka chih chiang in khalam limlangh, Pathian’ thu ka genna leng ahi. Pathian thu a hoihtak a ki-etchian zelzel poimoh hi.
Hiai khalam limlangh a i ki-et chiang in i bukimlouhna ngen kimuh ding a om hi. Limlangh hoihtak a i mai i et leh i maiphual teng, a pawn (scar) om teng bang hoihtak in kimu thei a, huchimah bang in khalam limlangh ah leng hoihtak a i hinkhua i et zelzel leh i chiphual teng, a pawn om teng muh theih hi. Hiai in i niteng hinkhua hon thunun thei a, khalam ah pichinna hon tun thei hi.
Khalam limlangh ah ki-en in, kizutmaamna ding leh damdawi zat ding tuamtuam omte zang in chidam zaw, melhoih zaw in om sawm ni.
Unaute zingpha. Tuni hun zatnuam chiat.