Levi Tapate: Gersom, Kohath, Merari (Lev.6:1).
1 Kronikul bung 1- 9 tan ah Adam apan Israel nam tuamtuamte khanggui gen in om hi. Huai lak ah Juda nam (bung 4), David suante (bung 3) leh David khanggui (bung 2) gen deuh bik in om hi. Hiai tuh Kronikul laibute sim lam lalgam (Juda lalgam) leh David khanggui ngim deuh (focus) a gelh ahihziak leng hi kha ding hi.
Israel namdang gen khak a om deuh tuh Levi namte ahi (bung 6). Hiai tuh thildang ziak hilou in kumpi hoih leh hoihlou Pathian’ inn a ngaihsak dan ua pan teh theihna ding ahi. Pathian’ inn ngaihsakte kumpi hoih a gen in om ua, himahleh a ngaihsak loute kumpi gilou a chiamteh in a om uhi.
Hiai akipan in en leng i poimoh ngaih dingte kitheithei hi. Pathian lalgam siampute ihi ua (Kil.1:6); khovel a i lohchinna tuamtuamte hilou in Pathian i ngaihsak leh ngaihsaklouh apan thukhen in i om ding uhi.
Unaute zingpha. Tuni hun zatnuam chiat