Huaiziak in nang a kiang uah, huchi bang in sepaihte TOUPA in a chi: Ka kiang ah hong kik un, sepaihte Toupa’n a chi, huan na kiang uah ka hong kik ding, sepaihte Toupa’n a chi, chi’n (Zek.1:3).
Kum bangzah hiam kitengta nupa upa khat tuh pick up gari tutna nawl tuak ah tu in ama ua tuailai nupa kiteng thak, kinehtak a tute a en uhi. Mipa’n a zi liang a akhut koih in minu tuh a pasal lam ah a kingai hi.
Huchiin a zi in hiai nupa thakte enkawm in a pasal ngohbawl hileh kilawm in, “Bang ziak a amau bang a tukhawm chitchet thei nawnlou ihi dia” achi hi.
A pasal in a tutna gal lam a tu a zi enkawm in, Kua I Kikhiin Zaw Dia? (Who Moved?) chi’n a dawng hi.
Pathian akipan gamla hi in na kithei hia? Amah toh na kizopna ah bang hiam a tasam (lacking) om hi in na thei hia? Ahihkeileh Pathian in hon nusia hileh kilawm in, ningkitel tuntun in na om ngei hia? Hoihtak in ki-enchian thak inla, Pathian in hon ensuk a hiai upa pa’n a zi a dotna hon dong dan in ngaihtuah sin mah dih.
Kua I Kikhiin Zaw Dia? (Who Moved?).
Pa aw, nang ka hon naih uleh nang leng hon naih ding na hi chih non chiam hi. Na thuchiam muang a nang kiang a hong kik thei nawn ding in hon panpih in.
Unaute Toupa’ ni zanpha. Kuapeuh ihmut lim leh mangpha chiat.