Ka minpu ka mite kingaineu a a thum ua, hon zon ua, a omdan giloute uh a lehngatsan uh leh van a kipan in ka na ngaikhe ding a, a khelhna uh ka ngaidam ding a, a gam uh ka damsak ding hi (2 Kro.7:14)
Tuni a i tangteel tuh Solomon in temple latna a a thumna Pathian in a dawnna ahi. Solomon in a mipi ten thil hihkhial ding ua, Pathian in gawt ding ahi chih a thei hi. Huaiziak in Pathian lam naih a, a panpihna a nget chiang ua dawng zel ding in a thum hi.
Pathian in dawng ding ahihdan gen a, huai ding a mipite’n thil 4 ahih masak ding uh agen hi:
- Kingaineu ding (humble),
- Thum ding (pray),
- Zong ding (seek his face),
- A om dan giloute uh lehngatsan ding (turn from their wicked ways).
Israel-te Pathian mah tuni a eite Pathian ahia, a hehpihna leh ei apan hon lamet kikhek nailou hi. Huaiziak in en leng kingaineu in, thum in, amah zong in i khelhnate nungngatsan le hang, i thumnate Pathian in hon dawng ding hi.
Unaute Toupa’ ni zingpha. Tuni kikhop nuam chiat