Huchi’n kumpipa David bel a lut a, TOUPA ma ah a tu a, Aw TOUPA Pathian, kua ahia ka hih a, ka innkote leng kua ahia a hih ua, hichi tantan n’on pi? (1 Kro.17:16)
Tuni i tangteel en in, i vek un AMEN i chi thei ding uam?
Kua ahia ka hih? Ka inkote leng kua ahia ahih uh? Bang ziak a hichi tantan non pi?
I neih zohlouhte ziak a genthei kisa a i vui hun a tam khasek hi. I sum leh pai dinmun, i sepnate leh i insung dinmunte ziak a genthei kisa a i phun hun a tamsek hi. Kho omdan (weather) ziak lel in leng mihingte kiphun khasek hi. Phunna ding i hau mahmah hi.
Bang ziak a tuzingkal a Pathian in i hinkhua a vualzawlna hon piakte ngaihtuahna a hun tomchik bek zanglou ding ihia? Hun tamzaw ah mihing ten kipahna sang in phunna ding kizong zaw kha nak hi. Phunna sang in kipahna ding zong le hang i muh theih ding kipahna theih tam mahmah kha ding hi.
David in tuni a i tangteel a agen bang in, “aw Toupa Pathian, kua ahia ka hih, ka inkote leng kua ahia ahih uh, hichi tantan a non pi” chi thei le hang Pathian leng kipak zaw ding hi.
Unaute zingpha. Tuni hun zatnuam chiat