Huchi’n, Abram, Lot kiang ah, hehpihtak in, nang leh kei kal ah, na ganpute leh ka ganpute kal ah zong kiselna om kei hen; unau lah i hi ngal ua. Gam a pumpi in a om ka hia? Hehpihtak in ka kiang a kipan tuam om mai in: nang veilam a na pai leh, kei taklam ah ka pai ding; ahihkeileh, nang taklam a na pai leh, kei veilam ah ka pai ding, a chi a (Gen.13:8,9)
Mi khenkhat lungkhamna nei ngeilou bang phial a hinkhua zang thei om uhi. A taktak in buaina hiam, lungkhamna hiam neilou ahi het kei ding ua, himahleh a haksatnate uh kizousak lou a, a hoihlam en a, hoihna a zou ding a pang teiteite hi zaw ding uhi. Abraham in neih leh lam ziak a tanau kal a gamthu a buaina hon tuah in a sukveng dan baihlam mahmah hi: Lot nang na deih nana teel masa in. Hiai in Abraham migitna leh kingaihniamna kia hon musaklou in Pathian thuchiamna a ginna leng hon musak hi. I hinkhua ah bang teng hon tung mahleh a hoihlam en a, haksatnate zou ding a panla in, Pathian in a tate tung a thuchiamte ngaihtuah thak in i ginna hatsak thak ni.
Unaute Toupa’ ni zingpha. Tuni hun kikhop nuam chiat.