Huan, Levite TOUPA kiang ah na lan ding a; Israel suanten Levite tung ah a khut uh a nga ding uh: Huchi’n Aron in Levite, TOUPA na a sep theihna ding uh Israel suante min in vei thillat TOUPA kiang ah a lan ding (Nam.8:10,11)
Tuni a i tangteel a Levite tung a khut ngak toh kibang sim in Thukhun Thak ah leng Pathian’ nasem dia sehkhiak a omte tung ah khutngakna kimu hi. Greek-Judate phunna enkai dia mi sagih hon telkhiakte uh Sawltakte ma a dingsak in, thuum in a tung uah khut a nga uhi (Nas.6:6). Antiok khua a saptuam ten Saul leh Barnaba a sawlkhiak lai un an ngawl in, thuum in, a tung uah khutngakna a nei uhi (Nas.13:3). Timothy in thugen apat in upa ten a tung ah khutngakna nei a bang uhi (1 Tim.4:14).
Hiai dan a khutnga a kithumsakna thilsia ahi kei a, zui thei lehang Laisiangthou toh a kikalhna om hetlou ding hi. Ta leh naute adia vualzawlna ngetsakna bang, damlou thumsakna bang, Pathian thugen dia kisawlkhiakna bang, upate leh deacon-te sehkhiaknate bang ah leng khutnga in thumna nei lehang se hetlou ding hi.
Unaute zingpha. Tuni hun zatnuam chiat