Huan Karmi tapate; Akar thil siangthou a talekpa, Israel hihbuaipa (1 Kro.2:7).
Minhoih deihlou kuamah ki-omlou hi. Laisiangthou in leng hauhsakna thupite sang a minhoih tel zawk ding ahi achi hi (Pau.22:1).
Tuni a i tangteel a i muh Akar (Akan) bel khelhna khat ahihkhak ziak lel in talekpa, a nam mi Israel-te hihbuaipa a chiamteh in a om hi (cf.Jos.7:1). Hiai in khelhna khat lel in leng i minhoihna tengteng, i inkuan leh namsung tanpha suse dimdem thei ahihdan hon musak hi.
Pathian tuh hehpihsiam ahia, kisik a akiang i zot peuh leh hon ngaidam dia mansa ahi. Leitung ah i min (name) bang chibang a chiamteh in om mahleh van ah hinna laibu ah i min tuang thei gige hi.
Himahleh tomchik sung nopsakna, phuba lakna, pilvan zohlouhna leh i hatzoh louhna ten minhoihna teng bangmah lou suah thei ahi chih thei in, pilvang tak in i niteng hinkhua khosak sawm ni.
Unaute zingpha. Tuni hun zatnuam chiat