Ka khelhna na kiang ah ka kithan a, ka thulimlouhna ka imta kei hi, Ka tatlekna Toupa kiang ah ka pulak ding a, ka chi a; huchi’n ka khelh thulimlouhna tuh na ngaidamta hi (Sam 32:5).
I khelhnate genkhe lou a, i im chiang in hon sugim mahmah hi. David in leng a khelhna a genkhiak louh lai in gim mahmah a, “nitum a ka mau nilouhna in ka guhte a tatkhin vekta hi” achi hial hi (32:3).
I khelhna ziak a hiai bang a gimna i neih leh thilhoih ahi zaw hi. Lunggimna le neilou, bangmah a le veilou ihihleh a buaihuai lam ahi zaw ding. Kisikna ding tuh a gamla lai mahmah chihna ahi.
David bang a i khelhna ten hon suk lunggim a leh bang i hih dia? David mah in hon hilh hi: ” Pathian limsak mi chih in zon muh baihlam a na om lai in na kiang ah thum chiat uh hen...” (32:6).
Na khelhna Pathian mai ah puang inla, a ngaihdamna ngen lechin a hon ngaidam ding hi (1 Jn.1:8-10). Huchiin na tawl a dam ding hi.
Unaute zingpha. Tuni hun zatnuam chiat