Ama’n loupa hingnou mitmet mun ah hon kualsak zel a: khawlna tuigei (still water) peuh ah a hon pi zel hi (Sam 23:2)
Belam in tui hattak a luang alau baih mahmah a, huaiziak in belampu in tui kiching, lui luang hatlou ah tui adonsak zel angai hi.
Eite hon chingtu i Belampu in i lauhna leh i thawmhaunate a thei mahmah hi. Sihna limguam tawn in hon pi zel mahleh (23:4), huaite i pal zoh chiang in i tawldamna ding loupa hing leh tui kiching (still water) omna mun ah hon pi zel hi.
I khawl tawldamna ding a omlouhna mun ah Aman a angsung ah hon puakthoh zel hi.
Ama’n belamchingpa bang in a belam hon a vak ding a, belamnoute a ban in a pomkhawm ding a, a angsung a koih in a paipih ding a, noukai laite bel awlawl in a pi hiathiat ding (Is.40:11).
I hinkhua a lauhna leh haksatna tuamtuamte pal a i om lai in, i Belampu’n ni khat tei huaite thuak nawnlou a i om theihna ding lampi a hon bawlsak hi.
Belamnou huai laltutphah lak a om tuh a Belamchingpa uh a hih ding ziak in, amau tuh hinna tuikhuk ah a pi ding a; huan Pathian in a mit ua kipan khitui tengteng a nul hulta ding hi (Kil.7:17).
Unaute zingpha. Tuni hun zatnuam chiat.