Huchi’n Toupa’n Mosi kiang a a gen tengteng bang in Joshua in gam pumpi a lata a; huan, Joshua in Israelte a nam uh kikhen dan bang zel in a gouluah ding un a pe chiat hi. Huchi’n gam galmuang in a omta (Jos.11:23)
Israel ten Kanaan gam hon luah utuh Pathian in Abraham suante agamchiam a sukbuchinna kia hilou in Amah deihlouh khelhna hih namte a gawtna leng ahi hi (Gen.15:16; Deut.9:4,5).
“TOUPA na Pathian un a hon delhkhiak sak khit chiang in, i diktatna ziak a hiai luah ding Toupa’n hon pilut ahi, na lungsim un chi kei hial un; hiai namte a gitlouh ziak un ahi zaw, Toupa’n a hon delhkhiak sak sin … hiai namte gitlouh ziak leh Toupa’n na pu Abrahamte, Isaakte, Jakobte kiang a a kichiamna hihkip ding in TOUPA na Pathian un amau a hon delhkhiak sak ahi zaw hi” (Deut.9:4,5).
Pathian in kidouna deih ahi kei a, gam tuh galmuang a om a deih zaw hi. Himahleh khelhnate ziak in kidouna om nak ahi zaw hi. Huaiziak in khristian ten khelhna i dou tuh lemna palai i hihtheihna hoih pen ahi hi.
Unaute Toupa’ ni zingpha. Tuni kikhop nuam chiat