Himahleh ka Tanpa a hing chih leh, leitung ah a tawp chiang in a ding diing chih ka thei hi: Huan ka vun huchibang a hihsiat a a om khit nung in, himahleh ka sa a kipan Pathian ka mu ding hi: Keimah a ding in amah keimahmah in ka mu dia, huan ka mite’n a en dia, midang hilou in. Ka sung ah ka lungtang a sidangta hi! (Job 19:25-27).
Tuni a i tangteel na bung Job 19 i sim leh Job in amah taisante (forsake) hon gen hi. Amaute tuh:
- A unaute (brothers) – 19:13
- A tanaute (relatives) – 19:14
- A inn tengte (guests) leh a sikhanute (maidservants) -19:15
- A sikha (servant) – 19:16
- A zi (wife) – 19:17
- A nu tate (children of his own mother) – 19:17
- Naupang neute (young children) – 19:18
- A lawm gilte (all his intimate friendd) – 19:19
Job adia haksa sawnsawn bel a thuakgimna amah kia in a thuak kha hi. Job bang a mi’n thuakna haksa tak a thuak chiang un lawm leh vualte ban ah tanau-lainate akipan hanthawnna leh khamuanna thu a mu tangpi uhi. Himahleh Job in hiai dan hamphatna a nei kei hi.
Himahleh Job in a neih khat a om a, huai tuh a Tanpa (Redeemer) ahi. Job in a thuakgimna tengteng zoh a Pathian mu ding ahihdan a theichian a, huai in a kinem hi.
Hiai tuh kross a Jesu hong sihma a Job kihehnepna ahi. Nang leh ken hamphatna thupi zaw bangzahta in i nei a?
Pa aw, ka Tanpa uh hing ahi chih leh khovel a ka haksatna uh zoh chiang a na mel mu ding ka hi uh chih na hon theihchiansak thak ziak in kipahthu kon gen uhi.
Unaute zingpha. Tuni hun zatnuam chiat.