Huan ke’n bel, E, Toupa Pathian, ngai dih, thu ka gen siam kei, ka naupang ngal a, ka chi a. Toupa’n bel ka kiang ah hichi’n a chi a: Ka naupang, chi ke’n, k’on sawlna peuh mah kiang ah na hoh ding a, k’on thupiak peuhmah na gen ding ahi. Amau ziak in lau ke’n la, nang hon honkhe di’n na kiang ah ka om hi (Jer.1:6-8).
Khovel a khosa a mihing mah i hihlai ziak in a kal laklak in khalam a i mohpuaknate leh i sep theih dingte ah leng naupang kisa a, Jeremiah bang a, “ka naupang lua” chih baihsam mahmah hi. Himahleh eitoh kituak a i septheih tampi om a, Paul in Timothy kiang a agen bang in thugen lam ah, tatdan lam ah, itna lam ah, siangthouna lam ah gingtute zuih ding hi zaw in achih bang in taksa a naupang chik leng piching tak a mi etton leh zuihtham hih theih ahi chih imu thei hi (1 Tim.4:12).
Unaute zingpha. Tuni hun zatnuam chiat.