Mari Jesu omna a va tung a, a muh tak in a khebul ah a khupboh a, a kiang ah, Toupa, hiai a om hile chin, ka sanggampa silou ding hi a, a chi a. Huan, Jesu’n Mari kap leh a hon zui Judate kap a mu a, a lung a khoih mahmah a, kha in amau hi; huan, ama’n amah ko’h sial na hi ua? a chi a. Amau a kiang ah, Toupa hong pai inla, en in, a chi ua. Jesu a kapta. Huan, Judate’n, En di uh, Lazar it na tel e; a chi uhi (Jn.11:32-36)
Sihna in i itpente hon lakmang sak a, i insungte lungkhamna leh thawmhauna toh kidim a a-om chia’n Jesu’n hon don in hon khotuah gige hi. Pathian’ mi ginom taktak ten sihna ziak a lungkhamna ana thuak tham uhi. A itpen uleh akineppih pen uh sihna in a laksak ziak a lungkham mahmah a kap Mari leh Martha-te amuh chiang in kidek zou samlou ahi ding a, i Toupa Jesu ngei leng ana kap hial hi (Jn.11:35). Laisiangthou a tang tompen chia chiamteh a om hial tuh i Toupa Jesu’n sihna thuakte a hehpihna ziak a akahna thu ahi. Sihna ziak a lungkhamna leh thawmhauna ten Jesu lungsung a sawkkha mahmah hi.
Unaute zingpha. Unp.Thangkhenlian i suun a, a nutsiat insung mite Pathian in khamuanna hon piaksak leh chih i thuum hi.