Ama’n i natnate pua in, i dahnate leng a po ngei a: himahleh en bel dahna khu, Pathian vuak, hihgentheih in i bawl ngal ua. Ahihhang in i tatleknate ziak in amah liam in a om a, i thulimlouhnate ziak in vuak sidup in a om a: i lungmuanna ding in sawina a tung ah a kia a; a vuakna golhte a hihdam in i omta hi. I vek un belam bang in i vak mang ua; eimah lampi tuam chiat uah i pialta uh; Toupa’n amah tung ah i vek ua thulimlouhna a ngata! Amah nuaisiah in a om a, himahleh a kingainiam a, a kam leng a ka kei; belamnou goh ding a pi uh bang leh, belam a mul metmite ma a a dai dide bang mai in; ahi, a kam a ka kei (Is.53:4-7).
Tuni a i tangteel tuh nang leh kei hon tatna dia i Toupa Jesu Khrist thuakna ding Zawlnei Isai ana genkholhna ahi. Hiai Laisiangthou tungtawn in Ethiopio michilgeh pan Jesu Khrist gingta in a khelh ngaihdamna ding in baptisma tang a, hotdamna a mu hi (Nas.8:30-38). Na mitkha a Jesu Khrist thuaknate ngaihtuah kawm in hiai Laisiangthou sim mah dih. A hon itna thupi maw! En bang chituk in i ngaithupi a chih mimal chiat ah ki-enthak ni.
Unaute zingpha. Tuni hun zatnuam chiat.