Mihing tapa, Aigupta kumpipa Pharo leh a khua leh a mite kiang ah gen inla: Thupina ah kua na bang a ahia? (Ezek.31:2).
Pitek-putekte tutkhawmpih a i houlimpih leh nidang a hatlai hun ua nna hoih tampi a sepkhiakte uleh a hinkhua uh manpha tak a azatdante uh muhsuah theih tampi om hi. Nidang in tuailai, melhoih leh thahat taktakte ana hi uhi. Khenkhatte amau hun lai a kimawl siam taktakte, melhoih penpente leh thupai pipi (influential) leh dinmun hoihpipi neite ahi uhi. Himahleh huai melhoihna leh minthanna tengteng mangngilh in a omta hi.
Hiaite akipan khovel a thil thupitak i semkhiakte’n tomkhah sung daih lel ding ahihdan muh theih hi. I sepsuah gah tangtawn a om thei dingte tuh khalam thilte kia ahi hi. Pathian a ding a i sepgimna tuh a thawn ngei kei hi (1Kor.15:58).
Pa aw, ka nasepte uh thawnlou ahi chih chih lametna non piak ziak in ka kipak uhi. Hiai ka muhchian semna ding un hon panpih inla, tangtawn daih ding thilte a tha pe thei ding in hon panpih in.
Unaute zingpha. Tuni hun zatnuam chiat.