Mihing thuaktheih val khemna himhim na tung uah a tung ngei kei hi. Pathian zaw a muanhuai ahi, ama’n na thuaktheih val uh khemna na tuah uh a phal kei ding; na thuak theihna ding un khemna peuhah taikhiak na lampi a bawl pah zaw ding hi (1 Kor.10:13).
Pathian khemna i tuah ding hon phalsak a, himahleh Setan in i thuaktheih val a hon khem ding phallou hi. Pathian phalna tellou in i tung ah Setan in bangmah hih theilou hi (cf. Job 1:12; 2:6). Huaiziak in khemna i tuah a i puk leh kuamah dang ziak hilou in eimah i hatzoh louh ziak ahi zaw hi.
Khemna i tuah hun in leng Pathian in i taikhiak theihna ding lampi hon bawlsak lai hi. Lampi hon bawlsak a i taikhiak ut kei leh kuamah mohna hilou in eimah mohna mah ahi zel hi. Setan in i utna lam mah a hon khem ahihziak in khelhna hih din hon phutluih thei kei mahleh kipuk kha nak hi (cf.Jak.1:14,15).
Huaiziai in khemna i tuah hun in pang teitei a, Joseph bang a taikhiaksan teitei thei ding in Pathian in hatna hon pe chiat hen.
Unaute zingpha. Tuni hun zatnuam chiat.