Huan Bildad Suah mi’n a dawng a, hichi’n a chi a: (Job 25:1).
Job bung 25 tuh Job lawmte thugen tawpna ahita hi. Bung 4 a Eliphaz in thugen hon pat akipan a lawm ten a kiang ah thum vei chiat (three rounds) thugenna hun a nei ua; Job thuakna ziak hi dia a gingtakte uh gen in, Job in a dawngkik zel hi.
Hun thum a athugennate/houlimnate uh hoihtak a i et leh a hun teng in gen ding a tawm neih deuhdeuh uhi. A thugenna masa uah tang 90 (90 verses) a om a, a nihna ah tang 85 a om a, a thumna ah tang 36 kia a om hi.
A hun nihna tan ah a lawm thum ten gen ding a nei vek ua, himahleh a hun thumna ah Eliphaz leh Bildad kia in a gen ua, Zophar in gen ding a nei nawn kei hi. Hun thumna a Bildad thugenna bung 25 in tang 6 kia anei hi.
Job lawm ten gen ding thei zou nawnlou a bang uhi. Hiai apan in thuakgimna (suffering) toh kisai mihingte pilna leh theihna buching hetlou (limited) ahihdan i mu thei hi. Huaiziak in i theihchet louh thute toh kisai thugen pilvanhuai mahmah hi. Job lawmte mah bang in i gintak thute leng ana diklou thei zomah lai hi.
Pa aw, pilna leh theihna bukim nang kia’n na nei hi. Na ta ten ka dinmun uh kithei a, na paulouhna thute a ka kam uh chip thei ding in hon panpih in.
Unaute zingpha. Tuni hun zatnuam chiat