Huan, Israel sihna hun a hong naita a: huchi’n, a tapa Joseph a sam a. A kiang ah, na hon hehpih theih leh, hehpihtak in huai na khut ka pheipi nuai ah golh inla, hon hehpihin, ka tung ah chihtaktak in hih in: hehpihtak in Aigupta gam ah hon vui mahmah ke’n; Hon suangte kiang a ka ihmut hun chiang in, nang Aigupta gam a kipan na hon zawng khe ding a, amaute vuina mun ah na hon vui zaw ding ahi, a chi a. Huan, ama’n, na chih bang in ka hon hih ding hi, a chia (Gen.47:29-30)
Aigupta gam ah Jakob (Israel) leh a inkuante sikha hiam, saltang hiam hi ding a lut ahi kei uhi. An lim pente, gam hoih pente leh a gantate uh a ding a mun hoih pente piak ahi uhi. Hiai hun in Jakob bang Pathian kiang a thum hileh Aigupta gam a hamphatna tampi a tante uleh Pharo siamnate ziak a kipahthu gen ding in gintakhuai hi. Himahleh Aigupta tuh agam ahi kei chih a chian mahmah a, Pathian in a gamchiam na mun ah a suangtute toh kivui ding achi tinten hi.
Khristian ten leng khovel i khualzinna ah vualzawlna tuamtuam i dongte ziak a kipahthu gen ni. Himahleh i tangtawn inn ding mangngilh lou in, huai mah ngaklah pen in nei ni.
Unaute zingpha. Tuni hun zatnuam chiat.