Na kilawmna namte lak ah a thangkhia a, ka thupina a kivan in na buchingta, chih Toupa Pathian thupawt ahi. [15] Himahleh na kilawmna na muang lua a, na minthanna na hukloh a, mi vialvak peuh leh na muh peuh na luppih hi (Ezek.16:14,15).
Computer, cell phone leh tablet i chihte nei thei dia hamphatna hon pia kua ahia
Vuahzu-daikai nuai a i bit theihna dia tenna ding inn leh mun hon pia kua ahia?
Zingkal thoukhe thei a, zun leh ek tha thei a, an ne thei a, puansilh-niikten i neih theihte kua ziak ahia?
I hin theihna dia huih diik ding a thawn a hon petu kua ahia?
Tu zingkal i vek un hiai dotnate kidong le hang i chi hi: Tuni a hiai bang hamphatna thilpiak i tante tengteng bang chi’n i zang a? Pathian thupisakna ding in i zang ahia ahihkeileh eimah hamphatna leh duhgawlna suk buching na ding lel in?
Nou angkawm hatte aw, khovel lawm hihna Pathian melma hihna ahi chih na thei kei ua hia? Huchi’n kuapeuhmah khovel lawm hih ut tuh Pathian melma in a kibawl nak hi. Ahihkeileh, Kha eimah a teng in haza phial in a hon deih hi, chih Laisiangthou in bangmahlou in gen in na gingta ua hia?(Jak.4:4,5).
Pa aw, ka hamphatna ding ua non thilpiak tengteng ziak in kipahthu kon gen uhi. Na thupina ding a zang thei chiat ding in hon panpih in.
Unaute zingpha. Tuni hun zatnuam chiat.