A luigei ah a gei langnih in theikung chichih a pou ding a, huaite a nah a vuai ngei kei in a gahlou ngei sam kei ding, mun siangthou a kipan a lui hong luangkhia vak a hih ziak in kha chih in a gah ding: a gah nek ding ahi ding a, a nah bel hihdamna ahi ding (Ezek.47:12).
Tuni a i tangteel in Kilakna 22:1-2 a Johan in van thak leh lei thak a genna hon ngaihtuahsak thei hi. Johan in a lui (river) muh toh Ezekiel in tuni i tangteel a amuh a kibang hi. Kilakna a hinna sing tuh tuni a i tangteel a hihdamna theikung (singkung) ahi. A lim (picture) uh a kibang hi.
Toupa’n namte tung a hihdamna (healings) ahihdan chi khat tuh a mite tungtawn ahi. Huaiziak in tuni’n nang leh ken i omna khovel ah damna tuntu in i pang hia chih kidot gige poimoh hi. Gahsuah in, Jesu Khrist thupina vak midangte’n a muh ua, a kiang hon zot theihna ding un i lakkhe na hia chih ki-et thak zelzel a ngai hi.
Unaute zingpha. Tuni hun zatnuam chiat.