Huan, Esau in, ka gan hon kituahpih tengpi bangchidan ahia? achi a. Huan, ama’n, Ka toupa, na hehpihna ka muh theihna ding in ka chi a ahi, achi a (Gen.33:8)
Hehpihna ichih tamtak ten i piakkhiak ut mengmeng louh thil ahihziak in tankhak kichi leng thil haksapi a suak hi. Jesu’n mi’n na tung ua hih ding a na deih bang un nou leng mi tung ah hih un (Matt.7:12) achih bang in, aman (price) bei a ngaihdamna ngah ahih theihna ding in aman bei mah a ngaihdamna petu a om a ngai hi. Tuni a i tangteel ah Esau in hiai thu zuikha mahmah hi. Jakob in a theihtawp suah a thilpiak piak a sawm hang in, Esau in la utlou a, “bawi, ken leng ka hau, na neih tengteng nang a hi hen” (33:9) achi hi. Hiai apan khristian ten leng i zil theihna ding tamtak om hi.
Unaute zingpha. Tuni hun zatnuam chiat.