Huai ni’n TOUPA, sepaihte Toupa’n, kap ding leh awm kitum ding leh lugiau sak ding leh sai-ip puan teng ding in a sam a: Himahleh, ngai in, nuamna leh kipahnate, bawng thahna leh belam thahnate, sa nekna leh uain dawnnate a om zaw ta a, ne ni dawn ni, zingchiang in lah i si sin ngal ua, a chi uh (Is.22:12,13).
Thupha tawina (apology) ah thil li poimoh om hi. Huaite tuh:
- Ana diklou ka hi (I was wrong)
- Poisa ka hi (I am sorry)
- Na hon ngaidam diam? (Will you forgive me?)
- Bangchi’n ka bawldik thei dia? (How do I make ir right?)
Chihtakak a thupha tawina (sincere apology) a om theihna ding in hehna (anger) a om masak poimoh hi. Hehna a om masak ding ichih chiang in midangte thilhih a hehna hilou in, mahni kihehsanna i genna ahi.
I hehna i koihkhelh khak chiang in thuphatawina sang in a hilou lam ah thil painuam hi. Ei leh ei kihehsan lou a, midangte thilhih a i heh chiang in atung a thuphatawina thil li-te hiai a nuai adan suak hi.
- Diklou na hi! (You were wrong!)
- Poi na sak ding ahi! (You should be sorry!)
- Ngaihdam na nget ding ahi! (You need to ask for forgiveness!)
- Aman na piak ding ahi! (You are going to pay for this!)
Midang tung a hiai ngaihdan i neihkhak leh i hehna a paina ding diktak a apai theihna ding in thil li i hih ding om hi. Huaite tuh:
- Thum in (Pray)
- Thum in (Pray)
- Thum in (Pray)
- Thum in (Pray)
Tuni mah a khukdin a thum din na kiman hia?
Pa aw, kou sang in ka lungtang ua ka ngaihtuahnate uh na thei zaw. Ka thilhihte uleh bang ziak a hih ka hi ua chihte na thei vek hi. Kana hihkhial sek uh! Poi kasa uhi! Hon ngaidam in! Ka hihkhelhte uh bawldik thei din hon panpih in!
Unaute Toupa’ ni zingpha. Tuni kikhop nuam chiat.