Huan, huai hun a siampu kiang ah na hoh ding ua, a kiang ah, Honpiak ding a i pi leh pute kiang a a chiamna gam ah i hong paita uh chih tuni’n TOUPA na Pathian uh kiang ah i hih lang uhi, na chi ding ua. Huan, siampu in na khut ua kipan bawm a la ding a TOUPA na Pathian uh maitam bul ah a tung ding hi (Deut.26:3,4).
Israel ten Kanaan gam a va luah hun chiang un leigah tung masapen chiat uh tawi in siampu kiang ah va pe ding ua, huchiin siampu in Pathian maitam bul ah a tung ding chi’n Mosi’n a hilh hi. Hiai tuh Pathian tung a a kipahthu genna uh, amau leh a inkuante nuamtak a a khosak theihna ding uh ahi hi.
Pathian in Israel-te kiang a gah masapen ana ngiat bang in khristian-te lungsim ah leng a masapen a pang ut hi. Jesu’n na gou omna peuh ah na lungsim a om (Matt.6:21) i ngaihtuahna, i neih leh lam, i tha leh zung-te Pathian adin koih masa peuh le hang, i lungsim leng huai mah ah om ding hi.
Unaute zingpha. Tuni hun zatnuam chiat