Zion kiang a a tanchin hoih hilh mi aw, tangsang mahmahte khawng ah va hoh tou un; Jerusalem kiang a tanchin hoih hilh mi aw, ngaihtak in na aw suah in; suah in, lau ke’n; Juda khuate kiang ah, En un, na Pathiah uh! (Is.40:9).
Isai bung 40 ah Pathian hihna lamdangtak muh theih in om hi. Hattak leh thuneitak ahihna hon lah kawmkawm in a mite duattak a belamte bang a ching zel ahihna hon lak hi. Tuite a khutpek kuak lel a teh a, van leng a khap lel a teh thei Pathian himahleh bahte kiang ah thilhitheihna a pe zel a; hatna himhim neiloute hatsak zel ahihna kimu thei hi.
Hiai khovel a pathian lem tuamtuamte hinna neilou leh thilhih theilou ahih ban uah ei mihingte mahmah leng bangmah i hihlouh dan muh theih hi. A hoihna vuaipah loupa hing bang lel ihi ua, himahleh i Pathian thu bel tangtawn in om ding hi.
Tuasang in khristian teng i khalam mit vak zaw henla, i Pathian hihna leh khovelte bukkak vual ahihlouh dan mu chiang zaw le hang i khalam ah lauhthawnna himhim omlou ding hi.
Unaute zingpha. Tuni hun zatnuam chiat.