Mi’n a ang sung ah mei a la thei diam, a puante a kang kei diam? (Pau.6:27).
Laisiangthou in koimun ah diklou achi a eita ch’n midang ten dotna hon bawl sek uhi.
Hiai bang dotna a om chiang in, dotna bawltu’n a lungsim a bang tupguk (motive) nei ahi de aw chih ngaihtuahna ah om thei hi. Pathian’ deihdan pen lunglut a ngaihsak ahi zaw diam ahihkeileh aman ahih nuamte kisiamlouhna om hetlou a hih ut ahi zaw diam chih dot tham hi.
Hiai bang dotna Pathian ngaih in bang a chi de aw chih huai hi. Pathian in tangtak a diklou chih a gen khaklouhte hih a kisiam tan sang in, hihse louh a khelh khak ding kiven tuh a bithuai zaw hi. Huaiziak in khelhna hiam, hihkhelhna hon tun thei peuhmahte hiam nungngatsan thei ding in kisin ni.
Unaute zingpha. Tuni hun zatnuam chiat.