Huchi’n i Pathian uh bawm i kilak nawn ding uhi: Saul hun lai in lah i na zong kei ua, a chi hi (1 Kro.13:3).
Kumpi David vaihawmna tangthu gelh ding hi le hang Kronikul a kigelh dan toh kibang khollou ding a, a galdounate leh a gamsung nek leh tak (economy) khawng kigelh zaw kha ding hi.
Kronikul laibu ah bel Israel-te khalam poimohte a etkaina lam kihahgen zaw hi. Bung 13,15 leh 16 in Pathian bawm Jerusalem a puakna thu gen a, bung 22-26 leh 28-29 in Pathian inn adia kisakkholhna gen hi. A vek in bung 10 tak a pha hi.
David leh Kronikul khangthu gelhtu’n bang poimoh pen ahia chih a thei mahmah uhi. Israel lalgam lohchinna bulpi ding tuh Pathian a ginomna ahi chih a theichian mahmah uhi.
Unaute zingpha. Tuni hun zatnuam chiat