“Ka gamtatna mun a belam hih mangthang a dalhzaksak belamchingmite a tung uh a gik hi,” chih Toupa thupawt ahi (Jer.23:1).
Saptuam upate, panpihtute (deacons) leh thu nasem (preachers leh evangelists) ten tualsung saptuam ah mohpuakna thupitak a nei uhi. Pathian’ mit a manpha mahmah, a belamte, ching a enkol ding a mohpuakna neite ahi uhi.
A belamte Pathian in bang chituk in manpha asa a? Amau a din A hinna a pe ngam a (Jn.10:11), A sisan a suah ngam hi (Nas.20:28).
A belam chingtu saptuam upate (heutute) tuh Pathian’ sumkemtute (God’s steward) chih in a om hial uhi (Titus 1:7). I etkol saptuam pen ei mimal aa hilou in, Pathian’ saptuam, Pathian’ belamte ahi chih thei a, amau enkoltu dia mohpuakna nei ka hi chih mangngilh louh poimoh hi. En a man i piak hilou in, i Toupa Jesu’n aman apiak ahi hi. A khate (souls) uh Pathian adin bang chiktuk in a poimoh in a manpha dia? Huai khate (souls) chingtu dia mohpuakna nei ahi ua, chingtu hihna ah ni khat tei A mai ah a nasepte uh agen hun uh om ding hi (Heb.13:17).
Pa aw, na tate’ khate chingtu dia mohpuakna neite’n ngaikhawk tak a ka sep dingte uh sem thei ding in hon panpih in. Na saptuam sung a saptuam upa omte ziak in na kiang ah kipahthu kon gen ua, amaute’n lungkham kawm hilou a, kipak tak a nna a septheihna ding un amaute thumansiam ding in mipite thumansiamna hon pia in.
Unaute zingpha. Tuni hun zatnuam chiat.