Kei leh kei ziak in, ahi, kei leh kei ziak lel in ahi ka hih ding; bang ding in ka min suksiat in a om dia? ka thupina midang kiang ah ka pe kei ding (Is.48:11).
Israel namte’ khelhna leh gitlouhna Soddom leh Gomorrah sang a leng thupi zaw phial himahleh bang ziak a Pathian in hihse lou a hawi ahia chih tuni a i tangteel ah muh theih hi. Hihsiat dimdem ding a phu himahleh uh Pathian in a hawi toutou hi. Hiai tuh bang dang ziak hilou in Pathian in pate hun a Abraham kiang a ana thuchiam, namchih hotdamna ding amah khanggui akipan hong om ding achih a tangtun theihna ding ahi hi. A khelhna ziak un Pathian in Israel nam ana subei leh susia hileh a thuchiam buchin theilou ding a, akiang ua namdang omte lak ah Pathian suk minsiat in om ding hi.
Pathian in a thuchiam leh thiltup a tangtun theihna ding in Israelte suse lou in hawi hamham hi. Huaiziak in nang leh kei leng i khelhna bang a hon thuklou a, tutan hing dam a i omlai pen Amah deihdan leh hoihsak dan a i kihei theihna ding a lampi hon bawlsak hi kha ding hi.
Unaute zingpha. Tuni hun zatnuam chiat.