Huan, Jesu Khrist hong piandan tuh hichi bang ahi; A nu Mari Joseph toh a kikham lai ua a omkhawm ma un, Kha Siangthou in a gaisak chih a na theita ua. Huchi’n, a pasal Joseph tuh, mi diktak ahi a, amah daisak a ut het kei a, a guk in tawpsan a tum. Himahleh, huai thute a ngaihtuah lai in, ngai in, a mang in Toupa angel a kiang ah a hong kilak a, Joseph, nang David tapa, na zi Mari neih lau ke’n, a naupai Kha Siangthou lak a ahi, Tapa a nei dia, a min ding in Jesu na sa ding, ama’n a mite a khelhna ua kipan a hotdam ding ziak in, a chi hi (Matt.1:18-21)
Laisiangthou a Jesu hong pianna hoihtak a kigelh hinapi, bangziak a en khristmas lawmlou ihia?
- I Toupa Jesu hong pianna pen Laisiangthou in khristmas ana chi kei a, ani leh akha leng ana gen kei hi. December 25 ni pen Jesu pianni a lop ding chih Liberius, Rome khua Bishop in 354 AD a ana genkhiak pat ahi.
- Jesu pian ni lop ding thupiak Laisiangthou koimun mah ah a om kei a, nungzuite masa ten ana lopna uh muh ding khat leng a om kei hi.
- Khasiangthou in nungzui masate thutak tengteng (cf.John 16:13) a ana pina a tel khalou ahihman in khristmas lop chu Pathian thu behlapna ahi (Kil.22:18-19 cf Gal.1:8-10).
- Saptuam 33 AD a ahong kipat apat Thukhunthak laibu kigelh nanung pen Kilakna bu gelh ahihtan in kum 60 bang valta mah leh huai hunsung a khatvei le khristmas alopna uh muh ding thupiak leh etton ding a ana lopna uh omlou ahihman in Pathian in poimoh asa kei chihna ahi.
Laisiangthou daihna a dai a, apauna a paute ihihman un (1 Pet.4:11), Laisiangthou a kimulou, mihingte hon bawltawm khristmas kichi tuh i lawm kei hi.
Unaute Toupa’ ni zingpha. Tuni kikhop nuam chiat