Himahleh TOUPA a biakinn siangthou ah a om a; lei tengteng a ma ah dai sisip hen (Hak.2:20).
Nang sang a pilzaw, siamzaw leh zahtakhuai zaw toh na kihou khak chiang in bang na chi a?
A pau tamzaw a kipang lou in, hun tamzaw a dai, a ngaikhia in kipang hi. I paukhelh khak di bang kilau a, ama pau ngai in, amah apan zil theihte zil kisawm zaw hi.
Kumpi Solomon in, “Toupa kihtak theihna kipatna ahi” (Pau.1:7) achih lai a hiai ngaihdan (attitude) nei ahi diam chih theih hi. Kihtak ichih tuh zahtak (respect) chihna toh kibang thou hi. Pathian tuh Pathian ahih ziak in kikihta (fear) hi. Hon bawltu Amah ahia, ei bel a khutsuak i hi lel hi. A theihna in phakchiam neilou a, ei theihna in bel phakchiam nei hi. Huaiziak in i Pathian mai a dai sipsip a, ahon sinsakna ngaikhia a sin ding a kihtakna leh zahtakna i neih kisam hi. Theihna tuh zahtakna leh ngaihkhiak nopna lungsim toh hong kipan thei hi.
Pathian’ aw (voice) i zak theihna mun biakna munte leh a thu kigenna mun dangdangte ah dai sipsip a om kisin ni.
Pa aw, na dante ngaihkhiak nopna lungsim ka neih theihna ding un ka bilte uh hon honsak in.
Unaute zingpha. Tuni hun zatnuam chiat.