Huan, huai lai in zawlnei Hanani Juda kumpipa Asa kiang ah a hong a, a kiangah, TOUPA na Pathian muanglou in Suria kumpipa na muang a, huaiziak in Suria kumpipa sepaih honte na khahte ahi hi (2 Kro.16:7).
Kumpi Asa hinkhua masa lam i et leh Pathian a ginna thupitak muh theih in om hi. Ethiopia sepaih tamtak in maituah mahle uh Pathian a ginna ziak in Pathian in a melmate tung a vualzohna thupitak apia hi (2 Kro.14)
Himahleh a vaihawm tawp kuan lam in, kum tamtak hong lamzang a ahong hauhsakna nung in, nidang bang in a ginna a hat zou nawn kei hi. Tuni a i tangteel bung pumpi ah melma neuzaw leh hatlou zaw toh kimaituah hi. Pathian kiang a panpihna ngenlou in, temple a dangka leh dangkaeng-te la in Pathian neilou nam dangte panpihna ngetna in apia hi. Huaiziak in Pathian ngaih in Pathian muanglou a, Suria kumpipa muang zaw a suak hi.
Hiai kumpi Asa hihkhelhna akipan bang i zil thei a? I lohchinna leh vualzawlna tuamtuam i tangte kisuanpih a, hon vualzawltu pen mangngilh khak ding a lauhuai hi.
Unaute zingpha. Tuni hun zatnuam chiat