Aw amah ka muhna mun thei lengla, a tutna mahmah ah hoh thei leng aw! (Job 23:3).
Mi diktat Job in a ginna ziak a athuak khak ek ziak in mi tam tak ten Job laibu kilunglut hi.
Haksatnate i tung a ahong tun chiang in Pathian na san hehsan (question) nuam a, Amah a i ginna nangawn phattuamna omlou phial a kingaihtuah hun bang mihing ten kineithei mawk hi. Khalam a i muan mahmah khristian ginom a i theih ten hiai ngaihtuahna nei ngeilou ding in kikoih hi. Amau tuh Pathian muang a bangchi bang haksatna hileh leng kipaktak a thuak ding un ngaihtuahna kinei sek hi.
Job hinkhua apat in ginna hattak nei, Pathian mi ten leng lungkiatna thupitak nei a, Pathian nasan question nuam a aom hun uh om thei ahihdan i muthei hi. Ahihziak in Job in Pathian a taisan ngei kei a, a ginna a lenkip a, haksa bel a sa mahmah (struggle) hi. A thuakna ten a ginna a sawiling sak kei hi.
Pa aw, ka hinkhua uh haksatna huihpi hattak in hon nuai a, nang na san hon question nuam a kana om khak hun uh a om leh na dohzohna ka tung uah hon langsak in.
Unaute zingpha. Tuni hun zatnuam chiat