Toupa’n ka haksatna a hon mu ding a, Toupa’n tuni a hon hamsiat a hoih lam in a hon thuk nawn kha maithei hi, a chi hi (2 Sam.16:12)
I tangteel tuh kumpi David in a tapa Absalom ziak a Jerusalem a nutsiat lai a, Simei in ana hamsiatna toh kisai a David kampau ahi. David nungzui Abisai in Simei that ding in kisa mahleh David in phallou in kham a, huchiin in tuni a i tangteel a hon gen hi. David in Simei hamsiatna a zaknop a gintakhuai het kei, himahleh Pathian ah a kinga a, hiai melmapa Simei hamsiatna leh simmohna tuh zangkhai tak in a paw thei hi. Mihingte i haksatnate ziak khawng in beidong in hehtha bang suak nuam mahmah a, huchiin in gitlouhna ten hon zou kha nak hi. David tuh a haksatna akipan Pathian in a honkhia a, a lalna ngei mah a zom sak nawn hi. En leng i haksatna leh hehnate Pathian awn le hang, a hon honkhe ngei ding hi.
Unaute zingpha. Tuni hun zatnuam chiat.