Himahleh Sardis ah min tawmchik apuante uh hihnitlouh na nei hi; amaute puanngou silh a kei toh tonkhawm ding a kilawm him ahi uhi (Kil.3:4).
Sardi saptuam pen si napi a hing minpu a chiamteh himah a lak uah mihoih leh niin baanglou a-om uhi. Pathian’ thukhenna pen mi malmal ding ahihziak in tualsung saptuam khat a diklouhna a-om hun ah leng mi diktat, saptuam nasep leh thilhihte dik salou a thutak mah ana leh ngam a ginomtak a omte Pathian in mangngilhlou hi. Pathian in mi diktatte a kitheihmohbawl ngei kei a, Tuchiim tun lai in leng mi diktat om sun Noah leh inkuante a humbit hi (Gen.6-9). Sodam leh Gomora a suksiat dek in ki diktat om sun Lota-te inkuan a pikhia hi (Gen.18).
Pathian ngaihsaklouhna khovel a om ihihziak in midangte hihdan en a, Pathian chihdan mah va chih tuntun a haihuai a noplouh hun om hi. Himahleh ginomtak a Pathian’ thutak mah a i dinkipna Pathian in mangngilh hetlou hi.
Unaute zingpha. Tuni hun zatnuam chiat